望望餐牌，
實在有好多選擇，朋友點了燒雞半隻$72
上菜速度快，落單一會兒就上枱，燒雞肉質嫩滑，重有好香脆嘅外層，加埋個甜酸汁，真係一個開胃菜
而我就點了個係糯米雞翼$58
去骨嘅雞翼部份填滿了糯米，入口超有口感，又彈牙又煙韌，重有隻雞翼燒得好香脆！
再加多六串燒 $78
自選肉質，當然必吃嘅牛，加埋豬，同魷魚鬚每樣兩串，牛肉串燒燒得較乾，口感好似食緊肉乾，個人覺得正，而魷魚鬚就超彈牙爽口，豬肉串加埋醬汁入口亦唔錯！
今晚主力推介脆皮豬手$158其中一個原因係優惠送兩支泰象啤酒，製作時間較耐，塊皮超脆口，真係啖啖卜卜聲，乾身脆口，眼見每枱必叫，而豬手肉質軟熟，功夫在於外脆內軟，加埋兩支泰式啤酒，真係絕佳配搭！
咁食法兩個人都係二百多元，唔使加一亦係另一特色，價錢已經唔貴，店員服務又好，味道又唔錯！抵食分享！
