蛇王林 (Closed)

話說成日坐係Office度沾寒沾凍，聽講食番碗蛇羹可以保暖，咁我又好耐冇食過蛇羹喎，而又聽Office附近有間蛇羹舖係老字號，啲蛇羮又好足料，所以就心郁郁去試下！咁間蛇舖叫蛇王林，入邊係全部都係上咗年紀嘅阿伯嚟㗎啦。個裝修啦都非常之古色古香，入到去嗰時光好似停留左係幾十年前咁。咁我入到去櫈都未坐，就即刻叫黎一碗蛇羹。咁佢好快手，只係等左一陣間姐，一碗蛇羹就擺咗喺我面前啦。佢連隨手擺埋啲薄脆係我碗蛇羮隔離。咁碗蛇羮呢，入邊啦，就有啲木耳啊雞肉啦，蛇肉就唔使講啦仲好多添，煲埋一齊，上枱嗰陣時都非常之熱架，一飲落去非常之暖胃，成個人體内d寒意即刻走哂，非常舒服！味道方面，碗嘢好足料好鮮甜，肉同木耳個口感一個稔一個爽，配搭出一個好奇妙ge層次。真不愧為老字號，仲屹立係上環咁多年。絕對值得一試！價錢就65蚊碗，size就係一個正常家用飯碗咁大。