陳儀興尚潮樓 (英皇道)

Open Now

Now Closed

收工同事諗起想食潮州菜《打冷》上網搜尋👀找到「陳儀興尚潮樓」呢間老字號潮式打冷舖係鰂魚涌開咗分店，新店的裝修保留古色古香嘅設計，壁畫作裝飾，利用屏風間隔空間，座位舒適。滷水拼盤呢度嘅滷水冇得輸，十幾年的精華喺晒度，大腸、生腸、墨魚、腩肉、元蹄，通通都滷得好入味，爽口好吃，蘸上白醋和辣椒油食，超正。普寧豆醬煮海魚野生黃花魚仔好鮮甜嫩滑，用上普寧豆醬去蒸，原來好夾。肚肉苦瓜煲潮州家鄉菜，苦瓜同豬腩肉炆得好腍，大大煲，好有懷舊味道。胡椒鹹菜鮮豬肚湯一個潮州出名的湯品，店舖選用二十年老菜甫燉鮮豬肚，聞到好香的胡椒，啖湯帶十足咸鮮味，飲落好順喉。