翠華冰廳 (Closed)

全新品牌嘅翠華冰廳登陸喺荃灣廣場作為翠華嘅忠實粉絲梗係要去食啦！見到佢個餐牌都改頭換面有啲全新嘅特色菜，感覺上比較新派同埋貼近潮流，而且個地方都好寬敞可以坐得好舒適。我哋叫咗個激烈咖喱牛腩飯，咖喱同埋白飯分開上，咖喱牛腩炆得好腍，咖喱有少少辣，加埋熱辣辣嘅白飯，好開胃呀！售價只係$72。留意到佢哋呢度都有好多唔同嘅常餐，一般嘅價格都係由30幾蚊至到40幾蚊不等，所以真係算幾抵食㗎。最後叫咗杯熱檸茶，茶味甘香保持到原有水準。