1
Hiring
Apply
Salary negotiable
25 days ago
105
1
2
Exit A1, Tsuen Wan West MTR Station, Exit A2, Tsuen Wan West MTR Station, Exit E2, Tsuen Wan West MTR Station continue reading
Telephone
23862098
Opening Hours
Today
09:00 - 21:30
Mon - Sun
09:00 - 21:30
Payment Methods
Visa Master Cash Octopus WeChat Pay
Number of Seats
130
Review (118)
Level4 2019-12-10
507 views
好耐冇食翠華,今晚一個人食飯,去咗荃灣廣場的翠華冰廳,自己陶醉冰室感覺,一個人食都可以好enjoy。點咗一個極濃芝士厚cut豬扒煎蛋焗飯$68,加$10配熱檸茶,正常餐廳焗飯價,最重要坐得舒服,而且呢度環境幾靚,落地玻璃望出面環境,自我陶醉都唔錯。先說說熱檸茶,茶味夠香,而且有五片檸檬咁多,真係比起其他茶餐廳足料,很享受篤檸檬的感覺,喝一口,青澀與清新並存,很陶醉吧!焗飯到,煎蛋放在豬扒上,熟度剛好,蛋黃流心,蛋白香滑,滑嘟嘟的口感,要先消滅掉!厚切豬扒,先用蛋漿煎過再焗,食落增加脆口感覺;豬扒肉新鮮,厚厚的很juicy, 啱曬我呢啲食肉獸,見到都開心!焗飯有炒底,焗的時候配上芝士,吃焗飯時有拉絲口感,飯又夠乾身,又香又煙韌,配埋雜菜蕃茄汁,吃得很開胃呢!最後來一份經典奶醬多當甜品,多士厚切,塗上香濃的花生醬和煉奶,兒時回憶返曬嚟!香甜的醬,和外脆內軟的多士,也只是12元一份,抵食!食到咁飽埋單$90,一人晚餐吃得很豐富呢!誰說無人陪食飯就是孤獨精?識揾間好餐廳享受才是王道! continue reading
(The above review is the personal opinion of a user which does not represent OpenRice's point of view.)
話說之前嚟過呢間翠華冰廳食lunch,覺得啲嘢幾特別,味道又唔錯~今日lunch 再次來encore❗️試下上次想食又冇食嘅嘢🤩.光鮮亮麗嘅門口比到人乾淨、有質素保證嘅感覺❣️上次可能太肚餓都冇留意到佢個Menu,原來呢間翠華冰廳係打輕健康路線😲有啲菜式專喺比蠶豆症人士➕小朋友❗️有啲菜式係不含7大致敏源❗️仲有部份菜式係專比素食者嘅添❗️真係好貼心❣️全家人都可以嚟食💕今日突然氣溫驟降,當然要食返個鐵板燒炒公仔麵啦🤓.嗌咗個餐廳推介嘅板上XO醬乾炒juicy豬扒即食麵 $68竟然有兩大塊豬扒咁多❗️差啲食唔晒🙈鐵板底部,有部份麵條仲有啲脆口嘅感覺添💕豬扒煎得好香,口感實在而唔硬❗️明顯調味料唔多,所以味道較淡,同時相對健康❣️豬扒同炒麵中間加入咗唔少椰菜、青椒、紅椒、黃椒等蔬菜類~麵條XO醬味好濃🤩 用醬方面一d 都唔小器🥳每條麵條都好乾身好入味😋 值得一讚👏🏻情懷紅豆冰 $25紅豆煲得夠溶夠淋👍🏻篤多兩篤,紅豆同椰奶融合得更均匀❗️真係有幾分舊式茶餐廳嘅風味☺️ continue reading
(The above review is the personal opinion of a user which does not represent OpenRice's point of view.)
Level4 2019-10-07
485 views
噚日(6-10-2019 Sun)朝,同老公落荃灣拎嘢俾女友人YT後食早餐,由於老公想睇戲,咁我哋行去荃灣廣場先,買完戲飛後就搵嘢食,老公話喺呢個商場入面搵,上到嚟3樓,都只係一到呢間連鎖店,其實唔係幾想幫趁,不過都照入嚟啦.睇完menu,我決定要$45.00嘅秘製豬軟骨QQ米粉,飲熱奶茶.老公要$32.00嘅淚光麻辣鹹牛肉深海爆蛋號拼翠脆薯條同$22.00嘅豆漿.等咗13分鐘,秘製豬軟骨QQ米粉到嚟,豬軟骨都唔算少,亦嗅到五香味,QQ米粉係鬈曲嘅,食落,豬軟骨好入味同好腍,亦唔嚡.味道:5分QQ米粉口感一般,個湯有少少辣味嘅.味道:3分而熱奶茶呢,要等多3分鐘至嚟,飲啖先,茶味淡,加半包糖飲至好啲啲.味道:1分之後我老公嘅豆漿,係支庄嘅來貨,一支400ml,豆漿微甜.最後淚光麻辣鹹牛肉深海爆蛋號拼翠脆薯條呢?冇得評,原因請睇下面服務欄.服務:我哋喺10:43am落單,個亞姐話淚光麻辣鹹牛肉深海爆蛋號拼翠脆薯條要11:00am後至供應.menu冇咁寫喎,算,佢等多15分鐘至叫啦.夠鐘喇,我老公就叫佢嘅嘢食,成7分鐘,支庄豆漿至到,咁繼續等啦,等呀等,等呀等,原來已經等咗30分鐘喇,喺呢段時間,我睇到佢哋出嘅包類食物,清一色係外士炒蛋,咁我哋於是催一催,話已經等咗半個鐘喇.個亞姐話睇睇,睇完冇晒聲氣.過多10分鐘,11:40am仍然冇,於是又催,個亞姐問11點落單,我話等咗8個字喇.此時,一個化行妝嘅女職員(應該係高層)主動走埋嚟了解,我講多一次.佢就答幫你整.好,又等,叉燒飯餐牌都出埋嚟喇,又等多10分鐘又係冇影,我哋決定唔等喇,出去埋單,而行出去,係睇到廚房整o緊乜,我見到有碟豬軟骨漢堡拼薯條已整好,咁即係已有薯條,但係都唔整我老公呢個食物.而收錢係呢個女高層,我哋同佢講$32.00嘅淚光麻辣鹹牛肉深海爆蛋號拼翠脆薯條冇嚟到,要取消.佢答佢知,唔好意思.點解佢知話跟,都係冇跟到?佢只係猛講唔好意思.”唔好意思”又有咩用?點解唔交代發生咩事?唔提議客人改要第二啲食物?一個解決方法都冇提供到,恭喜翠華請到呢啲員工,亦恭喜佢有工做,奉勸佢唔好辭職,否則幾難搵工. continue reading
(The above review is the personal opinion of a user which does not represent OpenRice's point of view.)
Level4 2019-09-25
561 views
呢晚入荃灣搵朋友,幾個人唔知食咩,行下行下就行到荃灣廣場,簡簡單單食個翠華算。入到去先發覺裝修比普通嘅翠華唔同,餐牌上面嘅食物都比較特別,抬高頭先見到呢間原來係翠華冰廳,唔係翠華餐廳~呢間翠華冰廳係香港第一間關注蠶豆症同敏感症患者嘅餐廳,餐牌上有標明「蠶豆症人士適用」、「不含7大致敏源」嘅食物,CSR做得唔錯喎!😌👍本人就係花生敏感同好多嘢都唔食嘅人士,所以呢個安排啱晒我🤣🤣可以用電話落單,非常方便。魚蛋片頭QQ米粉($40)*蠶豆症人士適用**不含7大致敏原*(含魚類)呢個QQ米粉真係第一次見,好特別。形狀係攣嘅,比起一般米粉更加爽口彈牙。翠華嘅魚蛋片頭就一向出名,配上魚鮮十足嘅招牌魚湯,清清淡淡又好食👍濃厚鮮茄生滾牛肉通粉 拼 火腿炒滑蛋牛油多士($56)*蠶豆症人士適用*鮮茄濃湯茄味十足,加上多片生滾牛肉同通粉,肉味滲入濃湯中,更添鮮美。熱辣辣,早餐食就啱晒喇!另外仲有用上日本蛋炒成嘅炒滑蛋伴火腿,富蛋香,不過味道較淡,可按個人喜好加入鹽🧂堅素肉醬流心煎蛋飯($52)*素食*呢個飯之前都食過,以Omnipork新豬肉、白菌粒、甘筍粒、西芹粒、香草等等同蕃茄、茄醬製成香濃入味嘅肉醬,分量相當慷慨,配上流心煎蛋,撈飯食一流😋淚光麻辣鹹牛深海爆蛋號 拼 翠脆薯條($32)夠晒足料,滿到瀉💦🤤睇落只係一個普通嘅蛋牛潛艇,估唔到入口又麻勁十足,十足十食米線嗰種麻辣,麻味停留喺個口到留好耐,好過癮🤣 但配落潛艇到好唔好食就見人見智啦😌鹹牛肉以日本蛋汁炒,相當嫩滑,一啲都唔乾,鹹牛又真係幾鹹😜宇宙秘制豬軟骨漢堡($42)漢堡通常都係牛雞魚,呢到竟然有豬軟骨漢堡😦我不嬲都好鍾意食翠華嘅豬軟骨,又香又入味又軟熟,呢到嘅都唔例外。雖然個自家製嘅包都好好食,不過兩樣配埋就麻麻喇,因為啲豬軟骨好易跌出嚟,個包又高,唔可以一啖咬晒😂 分開食都可以嘅!堅素Cheezy牛魔王炒滑蛋漢堡 拼 翠脆薯條 (素)($58)好多人都唔食牛,又想試下人哋食蛋牛治嗰種滋味,呢個就啱晒佢哋喇。Beyond Meat植物漢堡扒以豌豆、紅菜頭、椰子油製成,有牛肉嘅口感,亦帶牛肉香。雞蛋亦都係採用日本蛋,肉香蛋香兼備。值得一提嘅係呢到嘅包全部都係自家製嘅,以日本麵粉、雞蛋每天新鮮製作,外層脆口、口感軟熟,又帶濃郁嘅芝麻香,真係好好食🤤雪雪濃滑絲襪奶茶凍($28)每日限量50支,非常吸癮。翠華嘅奶茶一向做得出色,呢個創新嘅配搭就為奶茶加添一點色彩✨底層係香滑奶凍,上面加入招牌絲襪奶茶,兩者一齊飲,奶凍嘅奶味其實會比奶茶蓋過,不過口感好有趣,不妨試試。-Menu: continue reading
(The above review is the personal opinion of a user which does not represent OpenRice's point of view.)
Level4 2020-02-06
0 views
光麻辣鹹牛肉深海爆蛋號拼翠脆薯條咸牛肉鹹香 + 滑蛋 + 微微麻辣……所有味道 “索” 進香脆麵包內 想唔好食都幾難。粟米白汁粒粒雞飯配並唔係一般茶餐廳用埋芡嘅方式,而係用忌廉。味道相對濃厚。爆翠奶油豬超酥脆的外層,內裡鬆軟。一撕一咬,熱辣辣、脆卜卜脆的豬仔包,橫切一開二,塗上牛油和煉奶,是茶記的招牌美食。情懷紅豆冰大大粒的紅豆,有少量熬得起沙,啖啖的紅豆香加上順滑濃郁的淡奶香,簡直是絕配。如果配返一球 冰凍嘅雲呢拿雪糕,咁就稱得上係完美。 continue reading
(The above review is the personal opinion of a user which does not represent OpenRice's point of view.)