第一次食，server就推薦我地食佢個tasting menu. 有5道菜由前菜食到甜品🤤 細望之下，原來比openrice個粵菜呃咗，餐廳係比較fusion, 中西合璧，tasting menu就正好可以想點就點，選擇眼花撩亂🙊
海膽牛油果藜麥沙律🥗，的式賣相令人晤捨得破壞佢。前菜絕對係健康寶寶之選，牛油果同藜麥都係大熱超級食物，所以對呢個配搭晤陌生，加埋高貴嘅海膽原來係提升左去第二個層次，三樣野各具其獨有嘅口感，你除左晤夠喉都無下句嚕🤣
花膠螺頭片波士頓龍蝦湯，一道濃郁嘅bisque，用料足，加入適量淡忌廉，瞬間變成一個creamy又濃香嘅龍蝦湯。西湯加上高級嘅中式海味，冇違和感之餘更顯格調👍🏻
竹笙如意海皇羹我女朋友就好鍾意。個芡晤會過濃，不但顏色鮮艷而且鮮味可口，滑嫰豆腐搭配海鮮，清爽不油膩，令人一啖接一啖👻
秘製XO醬蘆筍炒北海道帶子，帶子鮮美，加上惹味XO醬更能把帶子增添辣，香，鮮等味覺享受。食材食得岀係上等貨，零雪味😈
香煎西班牙伊比利亞黑毛豬鞍，肉質柔軟，而且散發出陣陣油香，並沒有絲毫膻味，火喉控制very good🧡
三文魚籽鳳眼餃相比平時酒樓食嘅....下次飲茶我應該叫唔番普通蝦餃了。嗰種鮮味到今日依然係我口腔盤旋☺
最後侍應為我地送上甜品-> 係鋪頭特製嘅桂花香檳青檸糕。感覺有啲似細個阿媽整嘅羅拔臣啫喱，加上淡淡的酒香，酸酸甜甜瞬間非常消滯👊🏻
總括來講，呢餐雖然唔平，但係睇見有人生日餐廳會特別為佢哋放煙火效果，就係呢種特別嘅體驗，加上一望無際成個銅鑼灣在我腳下嗰種澎湃之感，已經值回票價啦！
