相馬日式火鍋 觀塘 (Closed)

難得今日放平日，緊係要同屋企人食依家當造既大閘蟹，而觀塘呢間相馬有任食大閘蟹海鮮火鍋放題，我地就試佐中午3個鐘，$398一位既套餐。湯底我地係甜豉油，少少調味、唔會太搶食物既鮮味😁而我地係牛魔王黎，所以肉類就主攻美國特選牛肩胛🐮用呢個湯底果然無錯，好似食緊壽喜燒咁，啲牛肉味好特出，而每碟份量已經好蟹，好正！😋海鮮方面常見同特別既款式都有，琵琶蝦原來火鍋食係好爽口好好味，蜆又無沙，扇貝都好大隻，全部好鮮味好好食！😚我地仲試埋點心同日式炸物，呢啲熟既野食一上枱就熱辣辣咁食得，勁方便😝質素都好好，牛肉球好香，燒賣唔會好多肥豬肉，好味！日式炸物又多款，而且唔會好油膩，係好香脆，食多啲都仲得！🤩最後點可以唔提主角大閘蟹🦀每隻都唔細隻，而且隻隻都有膏，金黃色既膏好好味，食幾多隻都得！