金坊泰國美食

Open Now

Now Closed

今日又嚟到荃灣食好西喇，今次又去到荃興徑搵嘢食，其實小編自己對泰菜情有獨鍾🥰，雖然上次係餐廳食得未如理想，但都想去多次睇下會唔會好咗啲呢🤔。🎈青檸汁燒豬頸肉 $96豬頸肉每件都大大塊😛金，而且點落啲酸辣汁到味道適中啱啱好，份量亦都好多。另外，原來豬頸肉底下係菜心同芽菜🥬，夾埋一齊食又爽口又健康啲👍。🎈菠蘿海鮮炒飯🍍 $88每次食泰菜必點菜式。賣相吸引✨，配料亦都好多，足夠3人一齊食呀。每一啖炒飯都食到各種配料🍅。🎈冬陰功海鮮湯🥘 $112講到泰式菜點會少得冬陰功湯呢🍜？呢個海鮮冬陰功湯有大蝦，魚肉，青口樣樣都有啲，而且都幾辣，不過越辣就越想飲🤤。🎈香濃芝心蝦丸 $96超級大粒，真係畀佢嘅外觀嚇咗一跳😱，炸過好脆又彈牙，入面充滿住芝士🧀，肉超厚，食到啖啖肉🍗，食一粒又飽肚呀🥚。🎈龍眼冰 $33泰國餐廳嘅飲品款式又多而且又好飲🥤，但我個人好鍾意飲嘅就係龍眼冰🍈，又有得飲又有得食龍眼肉，啲龍眼仲要係去哂核，龍眼冰甜甜地，解辣一流💦。今次去金坊泰國美食同上次比已經好咗好多，份量，調味，賣相都大大提升。呢個老字號荃灣泰國餐廳你又試過未呢？位置唔隔涉，而且人流多，值得帶朋友一再嘗試👍。