極尚大瀛喜日本料理

Open Now

Now Closed

一家人點都要定時定候出嚟食吓飯增加下感情，呢個鍾意食中菜，嗰個鍾意食西菜，另一個鍾意食日本菜，咁難夾，梗係揀放題啦！我地約左晚上7點，點知一入到去人頭滿滿，估唔到咁好生意喎。一黎就梗係叫刺身先啦，我叫咗每次放題都必食嘅甜蝦同埋帶子，甜蝦都幾大條，有成隻食指咁長，咬落去好鮮甜，帶子都不失色，雖然唔係好大片，但都好甜，值得encore!跟住我哋仲叫咗天婦羅，天婦羅嘅選擇有好多，有蝦，南瓜，番薯，鮮奶等等。我就每樣都有叫啲，每樣都試吓！天婦羅上枱時仲係熱辣辣，好燙口添！蝦天婦羅食落好爽口，南瓜番薯就好香口，而鮮奶天婦羅就好特別，一咬落去口感好軟滑，奶香岀哂黎！好值得試下！仲有要一讚嘅係呢個黃金蝦，黃金蝦唔易整係，大家都知嘅事，整得好食都好需要技巧，雖然係放題，但係呢個黃金蝦都好出色下，外層鹹蛋沾得都幾多，咬落去有鹹香，蝦就夠新鮮，正呀！