LAB EAT Restaurant & Bar (金巴利道)

Open Now

Now Closed

成日經過呢間餐廳都想試，今日收工想飲下酒，一於食餐豐富少少獎勵下自己。餐廳坐得好舒適，店員服務好貼心。每道菜式都係用心炮製，賣相亦好精緻。揀咗兩款白酒 好飲易入口「Gls Lawson"s Dry Hills」「Gis Kessler Riesling」「法國麵包蟹肉 牛油果 櫻桃茄沙律」大大碟，蟹肉份量好多，加上新鮮牛油果 同牛油果醬，味道好夾「意式生牛肉薄片 及 新鮮黑松露」生牛肉夠軟腍，配搭黑松露，味道好香「日本黑舞蓉菇意大利飯」日本嘅菌類都特別好食，呢片黑舞蓉菇大大片，口感好正，意大利飯嘅軟硬度控制得好好。「焗野生智利海鱸魚柳」啖啖肉嘅魚柳，口感好滑，加少少鮮茄粒一齊食，味道好Fresh「白朱古力檸檬意大利雪糕」雪糕賣相好精緻，淋上檸檬汁外層白朱古力即時融入雪糕，酸酸甜甜好清新。