Video
Read full review
2022-11-07
54 views
呢度環境相對昏暗，入到去隱約見到一張張大理石紋理桌面，配搭好多唔同轉換嘅燈光，帶俾人一種時尚高級嘅感覺。相信餐廳最特別係有個大螢幕，上面會不斷呈現好多世界各地特色嘅鏡頭，令人份外回味去旅行嘅日子。前菜-時令刺身係寶盒中呈現精品式刺身，包括油甘魚同日本岩蠔，同手掌一樣大小，面頭仲有魚子同黑魚子。前者厚肉口感相對紮實，魚香出眾，沾上帶點酸味嘅醬汁別有風味；後者一啖差啲放唔曬，送入口十分新鮮，蠔味相對較淡，唔算太creamy或重繡味，係好清新嘅感覺，但飽滿嘅肉身咬開後完全令口腔佈滿海水氣息，回甘味強。串燒三點盛猶如藝術品嘅擺盤，上面放咗鵝肝、鵪鶉胸、日本青椒仔、配菜上仲有啲醃製藕片同菊花瓣。先由較淡味開始，鵪鶉胸串用上新鮮手切胸肉，滿滿一串，咬開見到肉身顏色帶點粉嫩，又多汁；鵝肝十分大件，完全唔臊，表面燒得焦香，內裏細嫩；小辣椒軟身，辣度唔勁，反而建議可以試下夾埋胸肉食增添兩者風味。炭烤牛腹肉配野菜上台香氣四溢，兩大份牛腹肉配搭好多烤過嘅蔬菜，包括翠玉瓜、椰菜仔、椰菜花、薯仔等，種類好豐富。入口牛肉煎過嘅氣息好重，牛味雖然唔算好濃郁，但十分軟嫩，肉汁好多又飽滿，建議先享受原味，再沾上旁邊附上
呢度環境相對昏暗，入到去隱約見到一張張大理石紋理桌面，配搭好多唔同轉換嘅燈光，帶俾人一種時尚高級嘅感覺。相信餐廳最特別係有個大螢幕，上面會不斷呈現好多世界各地特色嘅鏡頭，令人份外回味去旅行嘅日子。
前菜-時令刺身
係寶盒中呈現精品式刺身，包括油甘魚同日本岩蠔，同手掌一樣大小，面頭仲有魚子同黑魚子。前者厚肉口感相對紮實，魚香出眾，沾上帶點酸味嘅醬汁別有風味；後者一啖差啲放唔曬，送入口十分新鮮，蠔味相對較淡，唔算太creamy或重繡味，係好清新嘅感覺，但飽滿嘅肉身咬開後完全令口腔佈滿海水氣息，回甘味強。
串燒三點盛
猶如藝術品嘅擺盤，上面放咗鵝肝、鵪鶉胸、日本青椒仔、配菜上仲有啲醃製藕片同菊花瓣。先由較淡味開始，鵪鶉胸串用上新鮮手切胸肉，滿滿一串，咬開見到肉身顏色帶點粉嫩，又多汁；鵝肝十分大件，完全唔臊，表面燒得焦香，內裏細嫩；小辣椒軟身，辣度唔勁，反而建議可以試下夾埋胸肉食增添兩者風味。
炭烤牛腹肉配野菜
上台香氣四溢，兩大份牛腹肉配搭好多烤過嘅蔬菜，包括翠玉瓜、椰菜仔、椰菜花、薯仔等，種類好豐富。入口牛肉煎過嘅氣息好重，牛味雖然唔算好濃郁，但十分軟嫩，肉汁好多又飽滿，建議先享受原味，再沾上旁邊附上嘅微甜醬汁，又係另一種享受。
香煎帕瑪馬火腿鱈魚卷
好有特色嘅菜式，肉卷用上薄片香煎帕馬火腿捲起鱈魚肉，再澆上明太子忌廉汁。味道相對濃郁，鱈魚味道係火腿襯托下更突出，份外鮮香，又唔會太鹹，加上有層次嘅白汁竟然減低種油膩感，好特別值得一試。
進食期間剛好遇上live performance，琴手同男女主角相互配合帶出悅耳歌聲，加上優美環境，仲有主角美食襯托，絕對係一個十分值得去嘅約會或享受地方。另外，店員對待自然唔會令人有壓力，每道菜都會替換餐具餐盤，亦定時fill水，值得欣賞。
Post
