Bellevue Bar and Grill (Closed)

其實情侶之間，係好應該食下好野，享受下兩人靜靜進餐既感覺。我唔係有錢人家，但係我覺得總要對女朋友好好的，間唔中食一餐好味道，唔迫既晚餐，好好哄一哄女朋友。 今日叫的美食都唔少，餐廳有晚市套餐供應，款式分別有牛排，比目魚柳，仲有羊排。女朋友叫了一份牛排，我今日又特別想食意大利飯，所以就冇再點第二份餐， 餐包都唔簡單架，一份係黑水欖，一份係粟米，兩款餐包都好特別下，特別黑水欖，個味好特別。 點了一份燒茄子伴波菜意大利飯，店員有問我地要唔要將飯做到比較軟，因為普遍係香港人口味，但我地決定都係要正常硬度，因為他亦有提及這是意大利米，其實就係要做到粒粒都有口感，所以我地決定採納佢既建議，原味道上。意大利飯真係煮得唔錯，波菜已經渦係裡面，每粒米都好有口感，又唔會好稀，個汁份量岩岩好。上面有青瓜，茄子等等，每片都係用鹽燒方式所以即使飯係素食，但都做得十分好味。另外係一份澳洲藍龍澳洲藍龍蝦其實比波士頓龍蝦更為實肉，肉質方面更加彈牙，半隻既都覺得好滋味，加上佢唔係太多調味，龍蝦既鮮完全出曬黎。 Strawberry MeringueStrawberry Meringue,酥皮既底，好脆，裡面放滿了Str