Burgeroom (美麗華廣場1期) (Closed)

本人十分中意食burger, 知道美麗華入面有間漢堡包店非常出名，就入左去食！嗌左個雙鵝肝鱈魚柳漢堡($248)，一上菜size非常巨型！而且鵝肝份量都好大件，由於本人膽固醇都係正常水平，所以先嗌呢個渣！如果唔係真係超晒標～鵝肝味非常香濃同埋新鮮，而且唔會煎到全熟而覺得鞋口，但食左一舊鵝肝已經覺得好heavy所以食唔到嘅朋友可以嗌返一件鵝肝試吓，真心好食嘅另外，塊鱈魚柳都又大塊又厚切，而且炸得好香脆！鱈魚嘅鮮味同塊鵝肝非常match!! 如果覺得太滯太肥膩嘅話，伴碟都有啲沙律🥗去中和下飽膩感～同埋漢堡入面都有少量蕃茄+生菜🥬食下。之後，由於覺得太heavy，就嗌左個帶子沙律($108)，菜嘅份量都好多，而且都好新鮮～重點係有4粒帶子呀！每一粒都好大粒，而且係灼熟過嘅～如果覺得burger太heavy嘅話，呢碟沙津絕對可以幫助消化！最後，飲品方面，嗌左禁荔枝冰茶($38)，荔枝味稍為啖左少少🤏，但食到有好多荔枝渣係個底果然係真材實料，本人就嗌左少冰少甜，而我覺得甜度岩岩好～建議各位朋友想啦水果茶飲下，不妨嗌呢杯！因為唔會覺得好甜，而且有荔波渣食下，幾特別！