Burgeroom (美麗華廣場1期) (Closed)

香港好多burger食，但呢間特別在個裝修，同個環境，感覺好歐美氣息。食完覺得d野都唔錯。環境方面一入到去就見到好高既樓底，仲有唔少特色擺設，擺夠大非常有氣勢，座位方面，就同大家樂果d廿唔多，勝在佢仲有bar枱位，高椅都幾chill。食物方面炸卷薯條，新鮮炸出黎既，所以好夠熱同埋脆，同埋幾夠味，用黎送酒一流。炸雞翼，都係新鮮炸出黎，但略嫌有d唔夠味，同埋雞翼都係偏細隻，但勝在夠脆夠熱補救返。安格斯burger，舊肉好juicy，而且熟度掌握唔錯，唔會太生，又唔會太熟變到太乾身，大大啖好滿足軟殼蟹burger，配埋牛油果醬，正，2個人share就最fit。飲品有酒精都無酒精都有，但食burger就梗係推介佢d手工beer喇。