TOSS 蘇媽.蘇媽

Open Now

Now Closed

沙田馬來西亞菜toss蘇媽蘇媽喺香港都有好多間分店，之前都食過其他分店，不過個名無toss，唔知有咩分別呢～同朋友喺沙田行完街，想食咖央多士，就入咗去試一試。招牌肉骨茶，喺一字骨同棒棒骨之間掙扎咗好耐，最後揀咗一字骨。成份肉骨茶有五大嚿一字骨，湯底係藥材味肉骨茶，仲有啲豆卜、炸富足、杞子、冬菇喺裏面。咖央多士，經典馬來西亞小食，就好似香港嘅菠蘿油咁，簡單而美味。麵包焗得香脆，配上牛油同咖央醬，冇得輸。沙嗲串燒，一次過選擇左牛、豬、雞，三種肉類肉質都唔錯，配上沙嗲醬，簡直有畫龍點睛嘅效果，亦都係經典馬來西亞小食。埋單兩個人四百幾五百蚊。