OPPA韓國燒肉店 (Closed)

OPPA韓國燒肉店一直都好想試吓，今次就一家人試吓韓式燒肉。任食套餐包含咗韓式炸雞同埋韓式海鮮年糕。炸雞好香脆可口。套餐入面包括左好多嘢食，例如澳洲和牛上肩肉（M9)、澳洲和牛五花、A4和牛三角肉、宮崎和牛上蓋肉眼、澳洲和牛脷、銀雪魚扒同埋匈牙利鵝肝等。而A4和牛三角肉、宮崎和牛上蓋肉眼同埋澳洲和牛脷，肉嘅條紋好平均，點少少牛肉醬汁食好滋味，而且有好濃郁嘅牛肉味，肉質好軟身滑嫩，好正。豬肉石鍋拌飯加少少辣醬，同埋飯一齊食，味道已經香濃。餐廳所有食物都好新鮮，又可自己烹調、享用韓國啤酒、酒精飲品、睇韓國MV同埋品嚐韓國美食，係老少咸宜聚餐嘅好地方。