樂天大喜屋 (Closed)

好耐無食日本野，專登搵埋幾個fd去食放題，打探到呢間樂天大喜屋幾高質，於是就試下啦，結果都真係無令人失望！首先講下個地點，間餐廳喺創興廣場２樓，近地鐵站之餘唔使等lift幾方便同易到，啱曬一家大細去。佢有一間自助bar，同一大排飲品櫃，位置都幾闊絡唔使同人逼，整體環境唔錯。先嚟既係魚生，全部都好新鮮，而我就最鍾意食三文魚，唔使點o趙D魚油香味都出曬嚟，簡直係享受！北寄貝同帶子都好正好鮮甜，長腳蟹都唔錯，唔會好似外面既食落有好重海水味蓋過Ｄ蟹肉味，正！壽司都好多款，而我最鍾意既係海鰻壽司，因為鰻魚汁好好味！火炙三文魚壽司，本身三文魚都好香，加上炭燒既味道簡直係ichiban！另外一Ｄ水果壽司好似芒果、牛油果配魚生既壽司味道都好match好fresh，唔錯唔錯！手卷方面，如果你鍾意食海膽，記得要落order啦，呢間既海膽手卷唔會好似外面Ｄ舖食落有怪味，係正常海膽味道！小tips係手卷放左上枱要快D食，如果唔係Ｄ紫菜會變軟架啦～本身諗住炸物唔會有咩特別，但出乎意料的都好講究！炸雞翼好香脆，芝士蝦球都好正，如果你鍾意食榴槤就唔好錯過炸榴槤波！炸蝦天婦羅都好正，睇得出係新鮮炸而唔係翻炸，好香好脆