中華小館

Open Now

Now Closed

💯鮑魚鵝掌鮑魚大隻厚身，有嚼勁得黎又軟腍，鵝掌都係大大隻，鵝掌內裏既肉汁配上鮑魚汁，加上鵝掌肉厚身腍，吸盡鮑魚汁精華，入口即溶兼豐腴味美，一碟出色小菜。💯芝麻雞芝麻雞既雞皮皮脆肉嫩，雞味濃郁，加上淡淡芝麻香味，仲有雞肉既肉香，口感酥脆，味道甜美，香口好味道。💯蜜汁叉燒叉燒汁多味濃，黯然銷魂，焦香油光同肉汁纏繞既蜜汁沾滿叉燒，非常入味，燶邊既叉燒更加焦香，香甜好食，味道口感一絕。💯燒腩仔燒肉爆皮脆卜卜，外皮酥脆，肉嫩多汁，油香十足，而且燒腩仔用上五花肉，肥瘦均稱， 層層相間，咬落有豬肉味兼有陣陣炭火香，皮又夠晒脆。