九丁目燒肉料理

Open Now

Now Closed

今日星期日，一家三口去食自選燒肉午餐，有和牛西冷、和牛肉眼芯、和牛橫膈肌、和牛貝肉、和牛肉眼頂、和牛肩肉、和牛小排、和牛胸腹、牛舌和牛肋條….等等。除咗牛肉，仲有雞腿肉、五花腩、豬頸肉等等。午餐定食可以選擇以上食物兩碟至四碟，我一行三人，所以可以揀12碟，試到咁多唔同嘅款，好開心。每一款都好好味，各有特色。除咗主菜燒肉，仲有紫菜日本米飯、麵豉湯、沙律、餐飲。老闆仲送多一碟有繪圖嘅雪糕俾小朋友，老闆好細心，見到小朋友攞住隻毛公仔，知道佢好鍾意，就畫咗上隻碟度，好有心思。伙計好有善，服務好好，上菜快，有禮貌。食材好新鮮，雪花和牛肥瘦相當均勻，好有牛肉嘅新鮮香味，切成薄片，入口即溶。鍾意食牛肉嘅一定要你試下。