Video
Read full review
2024-02-07
2357 views
朋友👱🏻♀️話想食高質素西餐🍽️，又話要坐得舒服，咁我即刻諗一諗，用咗大約5秒時間，諗到呢間，就決定帶朋友👱🏻♀️上去開餐🤣依家有 Harlan’s 冬日精選晚餐，有每位 $888 四道菜晚餐 （前菜選2，主菜選1及甜品），咁我哋一人叫咗一個 $888😋，咁即係我哋有4個前菜2個主菜2份甜品🤣前菜「法國水晶藍蝦，鱈魚皮及魚子醬」：鱈魚皮做到脆卜卜，上邊放水晶藍蝦同埋魚子醬，幾特別，幾好味😋前菜「松葉蟹海膽蒸蛋配魚子片」：做法似一個 custard 分開幾層，加咗海膽、松葉蟹 等，上邊有一片脆卜卜用 Parmigiano Reggiano 做嘅脆片，在上邊又放咗啲海膽同埋魚子，食嘅時候將脆片扑碎然後撈埋晒一齊食，味道層次豐富😋前菜「美國封門牛柳他他，紅菜頭清湯」：consommé 同封門牛柳他他分開上，consommé 顏色較深因為廚師落咗煎過嘅洋蔥落去煲，封門牛柳他他同紅菜頭啫喱喺個碟裏邊，店長哥哥將 consommé 倒入個碟裏邊，咁就飲得🤩；封門牛柳細細粒好牛味，紅菜頭洋蔥清湯亦都有濃郁牛味👍前菜「鵝肝，香茅薑果醬及黑朱古力多士」：鵝肝一般都係煎嘅，呢度菜鵝肝係蒸嘅，比較特別，口感好
依家有 Harlan’s 冬日精選晚餐，有每位 $888 四道菜晚餐 （前菜選2，主菜選1及甜品），咁我哋一人叫咗一個 $888😋，咁即係我哋有4個前菜2個主菜2份甜品🤣
前菜「法國水晶藍蝦，鱈魚皮及魚子醬」：鱈魚皮做到脆卜卜，上邊放水晶藍蝦同埋魚子醬，幾特別，幾好味😋
前菜「松葉蟹海膽蒸蛋配魚子片」：做法似一個 custard 分開幾層，加咗海膽、松葉蟹 等，上邊有一片脆卜卜用 Parmigiano Reggiano 做嘅脆片，在上邊又放咗啲海膽同埋魚子，食嘅時候將脆片扑碎然後撈埋晒一齊食，味道層次豐富😋
前菜「美國封門牛柳他他，紅菜頭清湯」：consommé 同封門牛柳他他分開上，consommé 顏色較深因為廚師落咗煎過嘅洋蔥落去煲，封門牛柳他他同紅菜頭啫喱喺個碟裏邊，店長哥哥將 consommé 倒入個碟裏邊，咁就飲得🤩；封門牛柳細細粒好牛味，紅菜頭洋蔥清湯亦都有濃郁牛味👍
前菜「鵝肝，香茅薑果醬及黑朱古力多士」：鵝肝一般都係煎嘅，呢度菜鵝肝係蒸嘅，比較特別，口感好滑😋；旁邊仲放咗一件脆脆脆哋嘅黑朱古力多士，微甜，配鵝肝食，又係幾特別👍
主菜「鮟鱇魚面頰，及香煎鮟鱇魚肝」：一直都好鍾意食鮟鱇魚肝，呢度竟然做到脆脆哋，幾好玩🤣；鮟鱇魚面頰 就鮮甜啖啖肉👍
主菜「澳洲M8牛肉，生蠔葉，藍芝士醬汁」：澳洲M8牛肉肉質軟熟濃郁牛味，藍芝士醬汁有subtle 嘅 blue cheese 香味，又滑又好容易入口😋
食甜品之前有青檸味道嘅 Sorbet，好清新😁
甜品「蘋果批+肉鬆棉花糖」：蘋果批甜甜哋，肉鬆竟然係用 Prosciutto 焗脆咗再敲碎成小粒，咁甜甜哋嘅蘋果批配鹹鹹哋脆脆哋嘅 Prosciutto，食落幾得意🤣
$56「熱咖啡」：濃郁夠滑好飲😋
朋友👱🏻♀️非常滿意呢度嘅食物同埋環境，我哋過咗一個開心愉快嘅晚上🤩
Post
