炎鳥羽

Open Now

Now Closed

同男朋友睇完電影就去左sogo thankful大買一場，之後就去左食日本野。呢度位置唔算多，但坐位夠哂闊落，坐得好舒服😌呢間主要係食串燒，當然要叫多幾款黎試下。豚肉片露荀，豚肉片切得好薄但充滿肉汁，露荀好新鮮好爽脆，口感好豐富！燒鰻魚，唔算厚身但夠嫩滑，冇骨又唔太咸。燒秋葵，新鮮既不過太細條了🙈關東煮🍢，好入味，煲得好夠lum。燒羊架，5成熟，冇overvcook，超嫩滑，少許騷味，必食！最後都有叫主食，墨魚汁炒烏東，好夠彈牙又香，必食！唔會太咸，好夠鮮味，如果份量多d會更好🤤🤤仲叫左個燒飯團，食落好脆口，唔會似飯焦，又好香。用紫菜包住黎食會唔甘膩，值得一試！最後當然要叫甜品，叫左個綠茶雪糕，唔係甘苦既綠茶，係matcha latte個款所以都好好食！