Video
Read full review
2022-11-06
1246 views
<Bistro du Vin> 📍堅尼地城法國菜嘅精髓在於每一個廚師對同一道菜式都有唔同嘅演繹，無一個既定嘅煮法同味道，達致和而不同嘅境界。今日同朋友試食左佢嘅Lunch set (2 courses $220p.p. +10%)StartersMussels Marinière — 焦點不在於肥嘟嘟嘅青口本身，而係喺個sauce。忌廉同白酒既平衡做得唔錯，加上洋蔥嘅甜味，用黎沾餐廳提供嘅酸種法包，一絕！😋👍🏼MainGrill Cod with Leek Confit — 鱈魚目測5cm厚度，而廚師煎魚技巧了不起，全熟得黎魚質滑溜，配合清新嘅熱帶風味Sauce同新鮮青豆一齊食感覺和諧、舒服。Wagyu Bavette M9 150g with Roasted Potatoes (+$70) — Bavette係法文解Flank（斜腹肌），肉汁充盈，但比較有嚼頭。呢個Item嘅驚喜反而係烤薯仔。手指公咁細粒嘅薯仔，烤到卜卜脆，而裡面就軟綿綿，甜滋滋咁，好好食。$220一餐法式午餐，表現不過不失，份量有點少，但味道搭救。餐廳嘅法式裝潢，令人有種置身於法國小餐館嘅感受，打卡
法國菜嘅精髓在於每一個廚師對同一道菜式都有唔同嘅演繹，無一個既定嘅煮法同味道，達致和而不同嘅境界。
今日同朋友試食左佢嘅Lunch set (2 courses $220p.p. +10%)
Starters
Mussels Marinière — 焦點不在於肥嘟嘟嘅青口本身，而係喺個sauce。忌廉同白酒既平衡做得唔錯，加上洋蔥嘅甜味，用黎沾餐廳提供嘅酸種法包，一絕！😋👍🏼
Main
Grill Cod with Leek Confit — 鱈魚目測5cm厚度，而廚師煎魚技巧了不起，全熟得黎魚質滑溜，配合清新嘅熱帶風味Sauce同新鮮青豆一齊食感覺和諧、舒服。
Wagyu Bavette M9 150g with Roasted Potatoes (+$70) — Bavette係法文解Flank（斜腹肌），肉汁充盈，但比較有嚼頭。呢個Item嘅驚喜反而係烤薯仔。手指公咁細粒嘅薯仔，烤到卜卜脆，而裡面就軟綿綿，甜滋滋咁，好好食。
$220一餐法式午餐，表現不過不失，份量有點少，但味道搭救。餐廳嘅法式裝潢，令人有種置身於法國小餐館嘅感受，打卡一流。🇫🇷🇫🇷🇫🇷
Post
