Video
Read full review
2023-07-03
726 views
今次嘅客人住河畔哩一區，原本只係上去佢屋企睇睇風水，預計中午已經走得，點知隔離屋知道有人嚟睇風水，又想順便睇埋，最慘係遇上櫻桃小丸子一名，問題天天都多! 結果攪到夜晚先走得.肚餓啦! 中午飯都未食.我哩D燒味鐵粉，見到叉燒大王四隻字，其他餐廳已經唔考慮了.入場已經成8點鐘，食頭一輪嘅客人已經開始散場，有位清出嚟被我哩D第二輪食客.點咗燒味併盤，粟米蟹肉羹同炸大腸.優點:1, 粟米羹份量足，食到有蟹肉無偷工減料.2, 炸大腸雖然有膏但唔多，外脆內軟.3, 燒味併盤有油雞脾同燒鴨，都係俾脾位，油雞皮滑肉嫩，燒鴨皮脆，滿意.4, 當然要重點講吓我嘅大愛蔥油啦! 味道唔會過鹹，合格!缺點都唔少!1, 冷氣不足啦!2, 炸大腸唔夠熱凍冰冰，另外點嘅甜酸汁質感好水.3, 忘記要求燒味併盤要肥叉，結果出事俾瘦叉! 口感硬咗D唔夠鬆軟，慶幸味道夠甜. 4, 燒味併盤有叉燒油雞燒鴨海蜇同燒腩仔, 燒腩仔皮脆但過厚，同樣口感硬咗D，再加上燒腩肉肉質結實，無哂鬆軟感!5, 粟米蟹肉羹雖然有蟹肉，不單無蟹味，仲要被胡椒味蓋過! 明明已經無落胡椒粉，點解咁重胡椒味? 有咩作用呢?6, 我嘅大愛蔥油，味道合格，但
肚餓啦! 中午飯都未食.
我哩D燒味鐵粉，見到叉燒大王四隻字，其他餐廳已經唔考慮了.
入場已經成8點鐘，食頭一輪嘅客人已經開始散場，有位清出嚟被我哩D第二輪食客.
點咗燒味併盤，粟米蟹肉羹同炸大腸.
優點:
1, 粟米羹份量足，食到有蟹肉無偷工減料.
2, 炸大腸雖然有膏但唔多，外脆內軟.
3, 燒味併盤有油雞脾同燒鴨，都係俾脾位，油雞皮滑肉嫩，燒鴨皮脆，滿意.
4, 當然要重點講吓我嘅大愛蔥油啦! 味道唔會過鹹，合格!
缺點都唔少!
1, 冷氣不足啦!
2, 炸大腸唔夠熱凍冰冰，另外點嘅甜酸汁質感好水.
3, 忘記要求燒味併盤要肥叉，結果出事俾瘦叉! 口感硬咗D唔夠鬆軟，慶幸味道夠甜.
4, 燒味併盤有叉燒油雞燒鴨海蜇同燒腩仔, 燒腩仔皮脆但過厚，同樣口感硬咗D，再加上燒腩肉肉質結實，無哂鬆軟感!
5, 粟米蟹肉羹雖然有蟹肉，不單無蟹味，仲要被胡椒味蓋過! 明明已經無落胡椒粉，點解咁重胡椒味? 有咩作用呢?
6, 我嘅大愛蔥油，味道合格，但份量不足，連帶其他醬例如甜梅醬，介辣醬份量都偏少.
7, 果D匙羹唔合格，太厚身! 想話盛起D豉油都盛唔起! 個碟又太淺! 哩個問題經常出現係D海鮮蒸魚上.
女友小熊見到 Menu 上有膏蟹粥，提意不如叫個細鍋試試好唔好? 我反對! 一來天氣熱辣辣唔想食熱粥，二來餐廳已經唔夠冷氣，重點! 單睇 Menu 上嘅相，米粥顏色白雪雪，同人地嘅金黃色蟹粥比較，已經輸陣，連影相吸引你去落單嘅相，都唔見得煮得吸引，實物更加唔洗諗! 結果隔離枱點咗份大膏蟹粥，單睇外相已經慶幸自己無點膏蟹粥.
總論:雖然未至於好差，但預計唔會再嚟幫襯，地點隔涉嘛.....
Post
