IPC Foodlab (Closed)

堅道一帶本來只有做街坊生意嘅食肆，而家喺新樓下面舖位竟然開咗 IPC Foodlab!被裝修吸引入去，簡單而新潮，餐牌設計精緻，仲有大量有機飲食資料。餐單標榜有機，但湯接近一百大元，意粉過百，熱盤過二百，選擇少，無套餐，有機一定要貴嗎？叫咗兩個意粉，份量少預咗。素菜千層闊麵只食到茄汁同芝士，另一意粉都係得片片芝士，有機都唔係冇啖好食啩？呢啲舖頭做唔到街坊生意啦！蘇豪客可能有興趣，但堅道喺蘇豪再上啲，呢度似乎又未至於吸引到人上多幾層扶手電挮嚟喎！不過見佢有貨架，可能啲有機食材先係主打，餐廳搭單開啫...