呢個好推介
地點方便就腳，用 openrice apps 訂位，有七折+A25飛行里數
雖然地方唔係太大，可能佢落地玻璃嘅設計 光線好充足 比人感覺好舒服好寧靜，而且下午2:00已經冇乜人，一啲都唔本地西餐廳feel，價錢亦非常合理!
set lunch配上新鮮沙律菜，醬汁剛剛好，唔多又唔少，非常醒胃
香草餐包內暖外香即焗出嚟，配香滑牛油花，見到佢朵牛油花咁靚唔搽都唔得!
點落去佢個青蔥馬鈴薯濃湯正到呢..... 完全令我期待佢個主菜嘅出場
主菜終於出場喇
慢煮黑毛豬鞍扒配紅酒汁
右上角嗰幾粒法國雲吞仔係朋友share的，薯角焗得好好食，豬扒因為慢煮嘅關係，就算厚肉都非常易砌，口感軟綿綿的一啲都唔鞋，唯獨紅酒汁比較淡味， 可能因為薯角太吸引，我點咗茄汁所以影響咗味蕾卦
整體環境加食物及侍應服務質素真心值得推介，兩條友去食$300蚊有找 下次約朋友再試下佢個晚餐先
