Video
Read full review
2018-07-17
238 views
三號強風嘅晚上，工作喺灣仔完成，忙到無時間食lunch，放工諗住隨便食個快飯就回家。7點黎到餃掂，已經全場滿座，等左5分鐘，好快就有位坐了。幾個鐘無飲話過水，快有脫水嘅感覺，一坐低同同事馬上點杯飲品潤返先。.山楂雪梨水 $20自家製山楂雪梨水，山渣味好出，配合清甜雪梨水，酸酸甜甜好開胃.雲吞湯面 $48份量好大碗，有12隻雲吞，雲吞皮薄，餡份量唔算大份，一啖食到，但味道好新鮮。麵質唔係彈牙果種，但又唔會太淋，索埋啲湯，夠哂惹味！.龍鳳松茸雙煎餃 $85呢到出名松茸，見到佢有介紹黑松露同白松露，於是叫呢碟雙併黎試下。新鮮出爐，煎得好香脆！.白松露餃，平時好少食到白松露，外皮煎得香脆，裏面啖啖肉，仲有松露係入面，口感豐富特別。.黑松露餃呢隻松露味比白松露更加出味同香濃，又唔會蓋過晒豬肉味，肉脂平均，十分推介！.至尊松茸豬肉餃（灼）連狀元九鼎湯 $72最後試左佢地推介嘅至尊松茸豬肉餃。呢個不得了，雖然灼無煎得黎咁香脆可口，但係佢皮薄餡多，松茸配豬肉，肉質豐富鮮甜，怕肥嘅我比較喜歡灼嘅水餃，但同事就比較欣賞煎嘅多啲，始終香口d灼嘅水餃點埋松露辣椒醬，辣辣地，不過反而味道更出。.另外呢個
7點黎到餃掂，已經全場滿座，等左5分鐘，好快就有位坐了。
幾個鐘無飲話過水，快有脫水嘅感覺，一坐低同同事馬上點杯飲品潤返先。
.
山楂雪梨水 $20
自家製山楂雪梨水，山渣味好出，配合清甜雪梨水，酸酸甜甜好開胃
.
雲吞湯面 $48
份量好大碗，有12隻雲吞，雲吞皮薄，餡份量唔算大份，一啖食到，但味道好新鮮。麵質唔係彈牙果種，但又唔會太淋，索埋啲湯，夠哂惹味！
.
龍鳳松茸雙煎餃 $85
呢到出名松茸，見到佢有介紹黑松露同白松露，於是叫呢碟雙併黎試下。新鮮出爐，煎得好香脆！.
白松露餃，平時好少食到白松露，外皮煎得香脆，裏面啖啖肉，仲有松露係入面，口感豐富特別。
.
黑松露餃
呢隻松露味比白松露更加出味同香濃，又唔會蓋過晒豬肉味，肉脂平均，十分推介！
.
至尊松茸豬肉餃（灼）連狀元九鼎湯 $72
最後試左佢地推介嘅至尊松茸豬肉餃。呢個不得了，雖然灼無煎得黎咁香脆可口，但係佢皮薄餡多，松茸配豬肉，肉質豐富鮮甜，怕肥嘅我比較喜歡灼嘅水餃，但同事就比較欣賞煎嘅多啲，始終香口d
灼嘅水餃點埋松露辣椒醬，辣辣地，不過反而味道更出。.
另外呢個水餃仲配埋佢最出名嘅狀元湯
有粉葛、鯪魚、鯽魚、紅蘿蔔、扁豆、赤小豆等等嘅材料。雖然上枱嘅湯就冇湯渣，不過絕對鮮甜，有魚類嘅鮮甜，豆味嘅濃香。
店鋪細細間，但唔會好焗速，燈光充足，坐落好舒服，
啲姨姨好熱情有禮貌，叫嘅野食都好快上枱
Post
