又想同大家分享一下 所以今次係我第一次既食評
今次黎到成日黎開既深水涉 但係都係第一次食維記
去到差唔多下午2點幾 見到都幾多人等緊
雖然有3間維記 每間都幾多人下
但係出乎意料等左5分鍾左右就有位 (號碼飛得好快)
去到緊係食 出名既豬潤牛麵 同埋 咖央多士 同西多啦
豬潤牛麵
真係幾多料下
豬潤同牛肉煮既時間都岩岩好 唔會韌
咖央西多
唔錯 值得一試
咖央多士
奶茶都OK
因為都鍾意食辣既關係 特意試下D辣油
幾好 香得黎又辣 鍾意食辣既朋友可以試試
最後我覺得一間餐廳幾重要既因素
就係服務既質素 黑口黑面 自然無食得咁開心
雖然係多人D 但係靚姐都樂意介紹
都我黎講 憑依點都加分 :)
