Video
Read full review
2022-07-10
252 views
朋友試過霸王川莊話好食又有靚VIEW，所以帶我地去個GIRLS TALK NIGHT，順便好好RELAX 下。餐廳非常闊落，景觀開揚，夜晚的維港景色簡直係一流，幸運地被安排坐窗邊位，打卡有個維港夜景做背景真係正啊！餐廳主打新派川菜，以辣為主，菜式的選擇很多，我地都叫咗唔少特別的試下：瑪瑙紅油捧捧雞（$148）造型超特別，食之前要用匙羹敲碎裝滿紅油的麥芽糖。芝麻醬汁拌手撕雞，加埋青瓜條令味道更清新，紅油帶少少刺激的辣味，係夏天必點的前菜。甜辣鳯尾魚（$108）（推！）已經好耐無見過呢個菜式了，唔好睇佢細細條，酥脆的魚香令你一條接一條，同平時煲劇食薯片一樣停唔到口，炸香的魚仔外面包咗一層糖衣，魚骨香帶有少少辣，超野味。南充酸菜桂花魚（例牌）（$358）（推！）用上新鮮桂花魚，魚鮮甜的味道絕對唔會比酸菜湯底蓋過，肉質非常嫩滑，薯粉更加滑嘟嘟。我都忍唔住食咗兩碗。䈑筍令湯底更加清甜，用料好足，有泡椒、花椒、乾辣椒，辣味唔會搶咗酸菜味，份量又大，抵食！烤北京片皮鴨半隻 （$288）薄薄的麵皮，配上蔥白絲、青瓜絲及甜麵醬，夾著脆卜卜的鴨皮，有幾塊係連住嫩滑的鴨肉，每啖都有濃郁的鴨油香，未食哂就要包
朋友試過霸王川莊話好食又有靚VIEW，所以帶我地去個GIRLS TALK NIGHT，順便好好RELAX 下。餐廳非常闊落，景觀開揚，夜晚的維港景色簡直係一流，幸運地被安排坐窗邊位，打卡有個維港夜景做背景真係正啊！
餐廳主打新派川菜，以辣為主，菜式的選擇很多，我地都叫咗唔少特別的試下：
瑪瑙紅油捧捧雞（$148）造型超特別，食之前要用匙羹敲碎裝滿紅油的麥芽糖。芝麻醬汁拌手撕雞，加埋青瓜條令味道更清新，紅油帶少少刺激的辣味，係夏天必點的前菜。
甜辣鳯尾魚（$108）（推！）已經好耐無見過呢個菜式了，唔好睇佢細細條，酥脆的魚香令你一條接一條，同平時煲劇食薯片一樣停唔到口，炸香的魚仔外面包咗一層糖衣，魚骨香帶有少少辣，超野味。
南充酸菜桂花魚（例牌）（$358）（推！）用上新鮮桂花魚，魚鮮甜的味道絕對唔會比酸菜湯底蓋過，肉質非常嫩滑，薯粉更加滑嘟嘟。我都忍唔住食咗兩碗。䈑筍令湯底更加清甜，用料好足，有泡椒、花椒、乾辣椒，辣味唔會搶咗酸菜味，份量又大，抵食！
烤北京片皮鴨半隻 （$288）薄薄的麵皮，配上蔥白絲、青瓜絲及甜麵醬，夾著脆卜卜的鴨皮，有幾塊係連住嫩滑的鴨肉，每啖都有濃郁的鴨油香，未食哂就要包定下一件。記得一上枱就要食，熱的片皮鴨係非常香㗎！
正宗四川擔擔麵（$78）擔擔麵係我至愛，要求很高。鐘意佢個麵條軟滑，每一條都掛到湯汁，很有自己的特色，就係花生味好出，之後先有辣味，用的麻醬唔算多，所以食落唔會好滯。
手抓孜然風味羊肉卷餅（$148）朋友係羊的愛好者，我就麻麻地，怕羊膻味。一上菜已經感覺到幾隻羊響草地奔跑，羊味濃烈，餅皮係師傅手搓，唔係現成皮，包住切得很薄的羊肉，加埋帶點辣的孜然醬汁，減輕咗羊膻味，我都接受到，唯一係每件的份量都好大，如果細件少少就咁哂女士們了。
左：荔枝椰果有汽檸檬水（＄62）右：荔枝紅苺梳打（$62）
天口咁熱，要嗌返啲消暑的飲品，一藍一紅好搶眼，椰果有少少𡁻口，但唔會太甜，檸檬水仲可以中和飽滯感。紅色個杯的紅苺味突出，如果鐘意少甜嘅就叫紅色個杯啦。
呢餐咁豐富，點可以唔叫甜品呢？
咱家擂沙湯丸（$65）煙韌的黑芝麻湯丸，表面裹上黃豆粉，係少甜系的女仔必叫的甜品，亦係今餐好好的收尾。
Post
