Sweet Monster (Closed)

呢幾日熱到痴線，最好既消暑方法當然係去食雪糕啦。近排大熱既Sweet Monster一直都想去試，咁岩今日行過APM見到IT入邊開左間，即刻衝入去幫襯下先。入到去樣樣都咁吸引，又點會只係食一杯雪糕就滿足到我呀。綠茶曲奇雪糕朋友仔要筒，而我就揀左杯裝。綠茶醬同埋綠茶曲奇鋪晒係雪糕面，見到見到已經透心涼啊！加上雪糕好重牛奶味，入口非常軟滑，食到停唔到口呀！橙汁特飲朋友仔食完雪糕話有d口渴，就整杯橙汁特飲試下先。佢就話幾好飲，而且大大杯夠晒消暑。熱情果香橙冰茶我就揀左呢個冰茶，熱情果同埋橙都係我好鍾意既味道，而且好多生果肉係入面，一路飲一路食橙肉，夠晒解渴。芝士焦糖爆谷/士多啤梨爆谷本身都冇諗住買，但係見到成間鋪比一盒既爆谷圍住，又比佢吸引到啦！爆谷有成五隻味，我就揀左芝士焦糖，朋友仔就揀左士多啤梨。芝士焦糖係兩溝架，有咸有甜，夠晒豐富，而且包裝好精美。係度食完咁多野，我真係飽到連晚飯都食到啦！