牛苑 (Closed)

落深水埗運輸處換證，換完行下西九龍見到一間叫牛苑既牛肉火鍋。咁就一於試下啦點左個牛小排餐啤酒汽水任飲點埋個鍋都好快上菜任食火鍋都有蠔叫直係正。主要肉類要用手機掃QR code而其他配料都係出去任拎。咁既價錢有咁既配料真係幾有誠意。配料有大量既丸類同菜同菇。仲有我最愛既響鈴。佢地係自己炸，所以好脆好香口又唔會有一陣油味。仲有我平時打邊爐一定點既魚雲，牛柏葉，真係好豐富。唔影啦，開餐個豬骨湯不過不失，入面跟左大量既豬骨，我剩係食左一兩舊，食晒我驚食唔到其他野。牛小排肉都好滑。食飽飽仲有甜品送，好抵食。