榮式燒雞扒

Open Now

Now Closed

琴日和朋友去灣仔食飯，經過見到榮式雞扒的分店，決定試試！我和朋友都叫咗「雞藕天成飯」，$51包一杯飲品，大大碟，都幾抵！碟飯附送秘製嘅蔥油、菜圃、豉油汁，令白飯食落更香！不過重點都係塊美味嘅燒雞扒，不太油膩，調味適中，黑椒味十足！不過食食下會有少少口渴，我朋友叫左杯咸檸水，唔使再加錢👍👍而藕餅就有兩塊，食得出係新鮮炸嘅，因為一食就熱辣辣，好爽脆，淡淡嘅鱆魚味好有回香！好彩今次早左去食，食到埋單時就好多人放lunch，要排隊啦，想排少啲就要提早去食啦！