199
79
19
Level1
2
0
2018-06-04 1736 views
臨近BFF生日,當然要嚴陣以待啦。見身邊朋友都陸續去咗仙后餐廳,基於食物、環境、氣氛,加上餐廳嘅名氣,都看似適合喜歡呃like的佢,好啦!今年就將呢個大project交俾佢啦。踏入餐廳,眼球已經被懷舊裝修同佈置,現場鋼琴演奏吸引住。跟隨侍應生引路,好好彩,安排到一張包廂位置俾我哋。雖然地方唔算大,但大家都好安靜享用自己嘅晚餐,唔會有人大聲高談闊論,亦冇頑童喺場內亂跑。一路望住餐廳中央嘅歌者,一路被環境氣氛所感染,果種有質素嘅寧靜感,好耐未試過喺香港感受到了。食物方面,我地分別叫咗3個side dish 同4個main course,先講講side dish先:侍應先送上熱騰騰麵包一籃。其實我好怕食呢一類嘅麵包,因為每每麵包都硬過石頭。我戰戰兢兢地拎起一個,係熱㗎!!!而且一d都唔硬!!!食到熱辣辣而且係新鮮,唔係翻熱過百次嘅麵包,係相當感動㗎🤩🍄生牛肉薄片生牛肉好新鮮,好爽好滑,有咬口但唔會有咬唔開嘅問題,配合唔會過酸嘅醬汁、橄欖、洋葱一齊食,係開胃前菜嘅好選擇👍🏻🍄香脆墨魚配秘製他他醬筒內有兩款都係由墨魚製成嘅炸物,一款係墨魚圈,另一款係炸原隻墨魚仔。雖然係炸,但粉漿好薄,墨魚爽脆彈
Read full review
臨近BFF生日,當然要嚴陣以待啦。見身邊朋友都陸續去咗仙后餐廳,基於食物、環境、氣氛,加上餐廳嘅名氣,都看似適合喜歡呃like的佢,好啦!今年就將呢個大project交俾佢啦。

踏入餐廳,眼球已經被懷舊裝修同佈置,現場鋼琴演奏吸引住。跟隨侍應生引路,好好彩,安排到一張包廂位置俾我哋。雖然地方唔算大,但大家都好安靜享用自己嘅晚餐,唔會有人大聲高談闊論,亦冇頑童喺場內亂跑。一路望住餐廳中央嘅歌者,一路被環境氣氛所感染,果種有質素嘅寧靜感,好耐未試過喺香港感受到了。
1647 views
0 likes
0 comments

98 views
0 likes
0 comments
82 views
0 likes
0 comments


食物方面,我地分別叫咗3個side dish 同4個main course,先講講side dish先:

侍應先送上熱騰騰麵包一籃。其實我好怕食呢一類嘅麵包,因為每每麵包都硬過石頭。我戰戰兢兢地拎起一個,係熱㗎!!!而且一d都唔硬!!!食到熱辣辣而且係新鮮,唔係翻熱過百次嘅麵包,係相當感動㗎🤩
66 views
1 likes
0 comments


🍄生牛肉薄片
生牛肉好新鮮,好爽好滑,有咬口但唔會有咬唔開嘅問題,配合唔會過酸嘅醬汁、橄欖、洋葱一齊食,係開胃前菜嘅好選擇👍🏻
生牛肉薄片
88 views
0 likes
0 comments


🍄香脆墨魚配秘製他他醬
筒內有兩款都係由墨魚製成嘅炸物,一款係墨魚圈,另一款係炸原隻墨魚仔。雖然係炸,但粉漿好薄,墨魚爽脆彈牙,唔會似食橡筋咁咬唔開,配合埋秘製他他醬同檸檬,小小鹹多多脆,醒胃又惹味👍🏻
香脆墨魚配秘製他他醬
106 views
0 likes
0 comments


🍄精選法國芝士四款
純粹因為想佐酒而叫嘅菜式。本人非專業食評人,坦白講,我對芝士嘅認識只有BB班程度,真的不懂也不敢胡亂品評。只知道是由淡味嘅brie cheese開始,至濃味嘅blue cheese作結。雖然講得有d求其,但絕對係佐酒嘅好選擇👍🏻
精選法國芝士四款
93 views
0 likes
0 comments


然後就到main course喇
🍄黑毛豬配茄子蓉
食落口感完全唔似豬,當時大家都懷疑係咪食緊牛扒。嫩滑彈基本上兼而有之,茄子蓉食落帶有薑味,配合埋黑毛豬一齊食,而家唸返起都好回味呀🤩
黑毛豬配茄子蓉
97 views
0 likes
0 comments


🍄鐵板煎大西洋鱈魚配法式牛油甘荀汁
侍應一放上枱就已聞到濃濃嘅魚香味,口感極滑而且極新鮮,完全無腥味,無雪味,更加無好似坊間整嘅鱈魚咁,成碟都係滯到不能嘅魚油。伴碟嘅甘荀汁香濃得嚟有啖啖甘荀餘香,身邊唔好魚嘅BBF都狂讚🤩
鐵板煎大西洋鱈魚配法式牛油甘荀汁
95 views
0 likes
0 comments


🍄北海道帶子配忌廉大蒜
詞窮嘅我唔知仲有咩詞語可以形容,只能說帶子本身嘅味道,無因為雪過或者浸在醬汁內而被掩蓋,相反仍然保持到新鮮爽口。忌廉汁嘅味道同忌廉湯一樣㗎,最衰呢d場合唔適宜叫白飯,唔係我一定可以連汁KO成碟呀🤩
北海道帶子配忌廉大蒜
92 views
0 likes
0 comments


🍄香煎牛扒配法式洋葱汁
嚟到最後一味菜式,我地要求medium rare完全做到,牛扒質素非常好,肉汁香濃豐富,肉質亦好嫩滑,不油膩亦一d都唔鞋,我仲有咩可以講呀🤩
香煎牛扒配法式洋葱汁
105 views
0 likes
0 comments


甜品時間,當然亦係切蛋糕時間啦。侍應生一次過將甜品,同我自攜嘅蛋糕一次送上,
唔好話壽星女,連我自己都被surprise到呀,哈哈!!!

🍄香橘雪皅配北海渡白桃湯
賣相靚不在話下,味道清甜,香橙加白桃嘅配搭令口感充滿層次感,最重要唔會死甜,又有啖啖果肉喺裡面,真係一道出色嘅甜品呀!!!
香橘雪皅配北海渡白桃湯
107 views
1 likes
0 comments


最後,好想讚一讚當晚場內嘅侍應同表演者,佢哋每一位都好專業,好用心。知道每位客人嘅需要,但恰到好處,唔會令人感到煩厭。我哋最遲一枱離開餐廳,佢地都無黑面或催促我哋離開。如果硬係要往小處挑剔嘅話,就唯一係男侍應聲線太細,唔係好聽得到佢哋嘅介紹而已。

總括係一個好愉快,亦係一個好值得嘅經驗,最重要係我令到BFF開心滿意,同有一個難忘嘅生日夜☺️ 我哋都決定買定靚衫,下次再一齊嚟試一試fine dining😂!
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2018-06-03
Waiting Time
1 Minutes (Dine In)
Spending Per Head
$800 (Dinner)
Celebration
Birthday
Recommended Dishes
生牛肉薄片
香脆墨魚配秘製他他醬
精選法國芝士四款
黑毛豬配茄子蓉
鐵板煎大西洋鱈魚配法式牛油甘荀汁
北海道帶子配忌廉大蒜
香煎牛扒配法式洋葱汁
香橘雪皅配北海渡白桃湯