伊呂波燒肉 (Moved) New Location

中午間唔時都會搵間好D架餐廳去飯, 不過今日呢餐只可以用完全失望形容。自問比分都好鬆手, 我付出價錢, 你比到合理質素我都比笑, 如果我依然比差評真係嚇死人架啦! 144蚊架LUNCH, 薑汁炒豚肉定食, 豬肉係豬展唔係平日食到好有彈力架種, 又硬又鞋又乾, 我用盡牙力都撕唔開。一點薑汁味都無, 仲好死油,我影左個碟比大家睇,個汁仲好多黑色一點點鍋屎(一放入白飯就見到個汁好恐怖), 完全係食完增加生癌原素。D菜同豬肉係分開炒, 因豬肉預先做好, 一點誠意都沒有。 個飯太濕太糯, 連白飯都做唔好, 無話可說, 只係水米份量控制, 工作係電飯煲做都可以咁。奇怪食日本野點解前菜咁韓式架? 唔通個廚師唔係做日本菜出身架? 水蛋同樣太濕, 麵豉湯完全無麵豉味, 咁架質素味道我比30蚊你都厭多。所謂架金玉其外, 敗絮其中。