K2 Kitchen (Closed)

因為鋪租貴，所以好多餐廳都會揀係工廈，而且呢d餐廳質素係有保證嫁，如果唔係有口碑同質素都好少人會專程去食。今次都係朋友推薦呢間K2 Kitchen ，所以特登去試下。係觀塘地鐵站B出口行過去8分鐘內到，如果係apm行過去仲方便。環境好舒服，每張枱有一定距離，樓底又夠高，好岩傾計。我地揀左一個set dinner 同單點一份扒轉餐。烤菠蘿西班牙辣風腸沙律伴意大利黑醋👍🏻👍🏻👍🏻👍🏻👍🏻好食夠新鮮同好開胃帶子海膽湯👍🏻👍🏻👍🏻👍🏻👍🏻👍🏻又係超好飲，好軟好綿，係我飲過西湯既Top 3。Set dinner叫左烤鹿兒島黑豚豬鞍伴楓糖芥末籽，青蘋果茸。好厚既肉，我心諗應該好鞋好老啦。但肉質其實係好滑好淋，真心好食，同勁大塊。👍🏻👍🏻👍🏻👍🏻另外叫左厚切美國黑安格斯肉眼加錢轉做set。又係好大塊，叫左七成熟，煎得岩岩好。👍🏻👍🏻👍🏻好味到都唔知點講好，總之就值啦！甜品係朱古力慕絲，好充料，絕對唔係中間加一層海綿蛋糕甘。真係好濃朱古力味，份量岩岩好，唔會好流。總結：呢間餐廳食物質素真係好高，而且好細心做伴碟，視覺同味覺都照顧到。而且呢到服務好貼心，係甘加水同好有禮貌，值得推薦！👍🏻👍🏻👍🏻👍🏻