相馬日式火鍋 觀塘 (Closed)

媽咪今日要OT冇人煮飯，同阿爸兩個人撐枱腳，我就約咗佢去觀塘嘅呢間日式火鍋放題店到食嘢。見到舖頭藍妹啤酒做緊$58兩支，阿爸即刻話要叫返兩支啤啤佢🤣打邊爐飲啤酒真係一流！之後湯底就揀咗胡椒雞湯，估唔到湯底都幾濃郁🤤等食大閘蟹之前就放咗啲優質豚肉同美國特選牛肩胛涮一涮住先。豚肉肥瘦適中，食落一啲都唔鞋😝。而牛肉就有好靚嘅雪花，同樣牛味好突出🔥終於等到大閘蟹！估唔到任食都有咁有水準嘅大閘蟹！超級多蟹膏！我同阿爸都食到舔舔脷😋媽咪知道咗我哋食得咁豐富之後，已經應承咗佢下星期帶埋佢嚟食多次🤣