TOSS 蘇媽.蘇媽

Open Now

Now Closed

蘇媽蘇媽 喺疫情前已經強勢加盟香港.相信好多人都食過，其他分店好似旺角深水埗荃灣都坐得好唔舒服好逼夾. 喺沙田shopping見到原來喺沙田新城市開咗分店. 地方好闊落. 枱與枱之間都隔得好遠.張枱仲好似藝術品咁，冇藝術嘅，我唔識形容大家都係睇相😂叫咗兩杯嘢飲似水榴槤. 同佢個名講嘅一樣係一杯榴槤水. 榴槤味非常濃，鍾意榴槤嘅應該都唔會唔叫.第二杯好似千層糕味嘅椰汁冰，我好鍾意裏面嘅西米.主菜梗係佢嘅肉骨茶啦. 今次試咗豬仔樂加花膠. 花膠，溶咗喺湯裏邊. 富有骨膠原.個伊麵，望落去平平無奇， 實質蝦味好濃. 魷魚同埋蝦富彈性，雖然知道唔係啲新鮮嘢，但係都好好食.