餃掂手工餃子雲吞專門店

Open Now

Now Closed

平時午飯時間搭叮叮經過灣仔，都見到依間餃掂外面人龍好長，一直都諗住去試吓，但係未有機會。近排見佢哋喺中環開咗分店，就即刻去試吓啦。龍鳳松茸雙煎餃龍鳳松茸嘅意思係有白松茸同黑松茸。可以揀湯餃或者煎餃，我哋就揀咗煎嘅。餡料相當豐富，而且餃子皮唔會太厚，食落去唔會太過油膩，松茸味亦都夠晒突出，豬肉亦都唔會太過肥。元貝豬肉湯餃配狀元九鼎湯個湯嘅配料包括蘋果丶生魚丶無花果丶淮山同豬尾骨，飲落去都係清淡嘅，唔會太過咸。湯餃嘅餡料都搵到一絲絲嘅元貝，都幾好食。上湯松茸時蔬最怕食到啲菜太老好難咬，依碟時蔬完全冇呢個問題，上面仲有啲幾香嘅杞子同松茸，唔錯。蜜餞雞翼有分大同細碟，我哋嗌咗個細嘅有三隻。蜜餞味甜度適中，值得推介。自家製山楂雪梨水丶豆漿山楂雪梨水飲落都覺得滋潤，豆漿唔會太甜。