麥記糕品 (Closed)

元朗有兩間麥記糕品，一間係阜財街，一間喺同益街市附近，呢間都係賣糕品，例如砵仔糕、芝麻卷、糯米糍、茶粿、白/黃糖糕傳統糕，另有生餃供應。 砵仔糕款式不少，有傳統嘅黃糖，仲有抹茶、紫薯、椰子口味，原味$4/個；$10/3個，而其他特別口味定價$5/個；$12/3個。紫薯砵仔糕 $12/3個砵仔糕幾足料，紫薯嗰款面頭除左有紅豆，仲有唔少紫薯粒。紫薯味食得出，味道天然，唔會太甜，紫薯粒稍乾。呢款砵仔糕較椰絲嗰款煙韌啲啲啲，但都唔係我鐘意嘅口感，因為我鐘意啲軟軟腍腍嘅。