2DP (Closed)

同朋友食下午茶，鹹甜都想食，於是就黎左2DP食小食加甜品。叫左個大既蕃薯條，見佢冇乜特別所以冇影，不過都真係幾大份。雞鎚係用腐皮做，同喺其他地方食既素雞鎚似係同一個地方攞貨。外面炸得香脆入面又保持濕潤，唔會炸到乾哂，少少地一人兩隻都唔錯。個刨冰本身係用牛奶整，但我地兩個都唔飲奶，所以就請店員改左做豆奶。店員細心提醒個味會唔同左，不過我覺得都幾好味。豆奶冇牛奶咁羶，又唔會滯住喺個胃咁。個蜜瓜好甜好新鮮，真係比成個蜜瓜你食，所以$98一個都唔算貴。另外仲叫左兩邊野飲，不過唔算特別，覺得有少少淡，值得一讚既係佢地改左用堂飲杯（以前黎過係用即棄膠杯），仲唔洗出聲就自動走飲管，環保左好多。本身只係諗住食下午茶，點知最後食到勁飽，早知唔叫個蕃薯條啦！