睿和牛燒肉 (Closed)

今晚到銅鑼灣大坑晚飯, 附近好多唔同菜式既餐廳. 和式門面, 呢度面積唔大, 反而有種溫暖私房菜既感覺, 今晚主菜係食和牛壽喜燒.Sukiyaki Set季節野菜盛盒秋葵配麻醬, 和風汁煮螺, 微微辣, 粒粒有咬口, 送酒最佳. 蕃茄甜中帶微酸, 前菜佳品!刺身三點分別有油甘魚, 深海池魚, 中拖羅, 3款刺身色澤同味道都新鮮, 雖然係中拖羅, 但係都好肥美, 深海池魚同樣出色, 魚味濃厚, 仲要片片厚切!火炙和牛壽司牛味香濃, 和牛好冧, 配上蒜蓉醬, 味道好夾!壽喜燒全鍋舖滿蔬菜, 各款菇類, 豆腐, 粉絲, 份量十足! 和牛用上熊本A5和牛, 分別有肉眼, 西冷, 三角, 牛舌, 配合壽喜燒汁, 每片淥大約20秒已經足夠, 每款都好出色, 入口即溶! 根本唔使點咬, 牛味濃郁! 尤其是肉眼!甜品草莓卷, 好香草莓味, 無論係裡面既軟心, 定係蛋糕外皮, 都充滿草莓味!