瀧宴日本料理 (Sugar+)

Open Now

Now Closed

想對自己好啲，放工食返餐鐵板燒就啱晒🥰一路望住師傅大顯功架，一路歎和牛、龍蝦等矜貴美食，即時煩惱盡消😮‍💨呢晚嚟到銅鑼灣Sugar+嘅瀧宴日本料理，佢哋嘅鐵板燒套餐做緊優惠，$880可以食盡超巨型野生龍蝦、南非鮑魚、和牛、鵝肝，仲有吞拿魚、金目鯛等魚生，好滿足😻餐廳環境幾雅致，仲可以居高臨下望到維園景👍🏻Takiyan特選和牛套餐（原價$1380，優惠價$880）🤎自家製醬汁煮南非鮑魚鮑魚好大隻，醬汁鹹甜，入晒味，鮑魚口感煙韌，可以配海苔碎增添風味😋底下有煮到好淋嘅大根，味道清甜，可以配七味粉食。🐟季節刺身3款分別有金目鯛、右口魚及鯛魚，每款都幾鮮甜🥳食到最後嘅鯛魚加上少許黑松露醬更能提鮮。🍣金槍魚腩手卷軟滑嘅吞拿魚蓉加上壽司飯放上威化脆餅，一次食到多種口感🤩🍳海鮮茶碗蒸茶碗蒸好滑溜，裡面有唔少配料，好似蟹肉、冬菇等，食到海鮮鮮味😛🍲季節吸物入戲肉之前嚟個大蜆湯，湯頭幾鮮甜😚🦞野生生猛龍蝦嚟到鐵板燒環節，先有巨型野生龍蝦，師傅先炒香龍蝦膏，再以龍蝦膏包裹每粒龍蝦肉，味道好香濃🤩煎過後龍蝦肉肉質依然爽彈😋🤎香煎鵝肝伴自家製醬汁鵝肝厚度剛好，入口軟滑甘香，加少少黑醋汁剛剛好🤤🥩日本宮崎和牛