LA FAMILLE

Open Now

Now Closed

最近咁多假期節日慶祝，最適合就買啲甜品分享。呢間戚風蛋糕店平時都有買開，節日嘅就買多幾款大家一齊分享。餐廳裝修精緻，同姊妹係度堂食，影下相都幾好。法國玫瑰 呢個粉紅色既玫瑰蛋糕好靚，見到都少女心爆發，唔單止靚食落去仲有淡淡既玫瑰花香味，味道唔會太甜，值得推介。焦糖完熟香蕉佢top既cream幾重焦糖味，而佢既蛋糕又唔會話好甜，所以平衡得幾好，蛋糕口感鬆軟，無諗過焦糖同香蕉幾夾。英國伯爵茶蛋糕本身有好香嘅伯爵茶味，蛋糕上面嘅忌廉都係伯爵茶味。切開之後連埋蛋糕中心嘅忌廉一齊食入口好滑，有陣陣嘅茶味飄出。香濃開心果蛋糕本身有一層開心果朱古力包住。外殼同蛋糕面嘅moose有開心果肉。入口勁濃開心果仁味道，比伯爵茶更濃。鍾意食開心果嘅不能錯過。