Video
Read full review
2022-11-14
2370 views
星期日下午來到尖沙咀覓食，上次打風想黎食lunch點知佢無開，今日再黎！黎到已經兩點幾，餐廳無咩人，靜靜地坐得舒服。餐廳以綠色為主，呢種顏色令人放鬆心情，可以慢慢食😌🔸4-course lunch menu (💰158)APPETIZER▫️白酒泡泡 赤貝帶子青芒果他他，BB菠菜，荷蘭汁(7/10)唔食刺身嘅我，今日踏出一步食下呢個赤貝帶子他他。帶子幾鮮甜，不過赤貝一食就覺得腥。佢嘅白酒泡泡同埋芒果檸檬汁調製得好好！同沙律菜好夾！▫️每日廚師推介新鮮沙律(7/10)👌🏻SOUP▫️蘑菇忌廉湯(8/10)佢將蘑菇磨得好幼細，有口感但又唔洗咬🤭成個湯都好滑👍🏻MAIN DISHES▫️香煎帶子法式香草醬乾瑤柱高湯意大利飯配海蝦肉(8/10)呢個綠色嘅飯黎到有啲嚇親😂但係又幾好食喎！蝦肉爽口彈牙超級鮮甜，令成個飯都有蝦嘅鮮味！▫️炭燒加拿大豬鞍配柚子肉泰式炒羽衣甘藍，青蘋果檸檬葉蓉(8/10)豬鞍燒得好靚，好厚肉，能夠做到鎖住肉汁，而且肉質嫩滑。啲羽衣甘藍索哂啲肉汁，好味👍🏻DESSERT▫️皇牌番薯糖水遇上Tiramisu(+💰18)(8/10)將番薯糖水整成糕狀，放喺蛋糕嘅中間。上面仲有焦糖脆脆。蛋
星期日下午來到尖沙咀覓食，上次打風想黎食lunch點知佢無開，今日再黎！黎到已經兩點幾，餐廳無咩人，靜靜地坐得舒服。餐廳以綠色為主，呢種顏色令人放鬆心情，可以慢慢食😌
🔸4-course lunch menu (💰158)
APPETIZER
▫️白酒泡泡 赤貝帶子青芒果他他，BB菠菜，荷蘭汁(7/10)
唔食刺身嘅我，今日踏出一步食下呢個赤貝帶子他他。帶子幾鮮甜，不過赤貝一食就覺得腥。佢嘅白酒泡泡同埋芒果檸檬汁調製得好好！同沙律菜好夾！
▫️每日廚師推介新鮮沙律(7/10)👌🏻
SOUP
▫️蘑菇忌廉湯(8/10)
佢將蘑菇磨得好幼細，有口感但又唔洗咬🤭成個湯都好滑👍🏻
MAIN DISHES
▫️香煎帶子法式香草醬乾瑤柱高湯意大利飯配海蝦肉(8/10)
呢個綠色嘅飯黎到有啲嚇親😂但係又幾好食喎！蝦肉爽口彈牙超級鮮甜，令成個飯都有蝦嘅鮮味！
▫️炭燒加拿大豬鞍配柚子肉泰式炒羽衣甘藍，青蘋果檸檬葉蓉(8/10)
豬鞍燒得好靚，好厚肉，能夠做到鎖住肉汁，而且肉質嫩滑。啲羽衣甘藍索哂啲肉汁，好味👍🏻
DESSERT
▫️皇牌番薯糖水遇上Tiramisu(+💰18)(8/10)
將番薯糖水整成糕狀，放喺蛋糕嘅中間。上面仲有焦糖脆脆。蛋糕味道偏淡，唔會死甜。不過唔知點解叫tiramisu，因為我食唔到tiramisu味。
▫️是日甜餅: 朱古力咖啡凍餅(8/10)
呢個蛋糕係我喜歡嘅味道！有個厚厚嘅餅底，又有上面好creamy嘅朱古力咖啡☕️
DRINKS
▫️百香果梳打(7.5/10)
好靚嘅顏色🍹
呢度嘅菜式、環境、餐具同擺盤都可以令人enjoy菜式，細細品嚐！一路食聽到隔離嘅客人都覺得好食😂
Overall 評分: 8/10👍🏻
Post
