餸記潮食 (Closed)

今日同朋友喺銅鑼灣行完街就行入大坑搵嘢食😋喺中央圖書館後面一行入去就見到一間裝修得好靚嘅潮州菜🤩就決定試吓佢🥘精品六宮格首先嚟過前菜，六風格可以試晒六款不同嘅前菜！啱晒貪心嘅我哋🤣分別有清酒秋葵，尖椒皮蛋，話梅車厘茄，涼拌木耳，一夜暴富(皮蛋豆腐)同埋潮佬鴨舌😝其中鴨舌最令人驚喜😍滷得非常入味而且有啲肉咬下！我哋忍唔住清晒！🥘艾雷威士忌鵝肝平時法國鵝肝就食過，潮州鵝肝真係第一次食😋最特別嘅地方係佢加咗威士忌，連埋青瓜一齊食完全中和左鵝肝嘅油膩！但係有保留煮鵝肝嘅香味😍比起其他鵝肝真係有過之而無不及！🥘秘制口水雞呢個口水雞係一個冷盤，啲雞好滑嫩！一入口非常舒服，索晒啲秘製辣醬，又香又好食！送飯都一流😋🥘潮滷拼盤係一個好完整嘅滷水拼盤，入邊有豬大腸鵝掌氣管鴨腎，滷得非常入味，而且分量十足！又好味又抵食🤩🥘招牌鵝油拌麵呢個係一個好香既蔥油拌麵，有足料鵝肉！再加上用鵝油，有一點淡淡的鵝肉香味，提升左成個面嘅整體感覺😋😋🥘炒油麥菜最後一定要嗌返個蔬菜黎中和其他餸菜嘅味道，減低成餐飯嘅油膩感🥗🥗