Video
Read full review
2018-06-08
3244 views
與媽媽興祝生日，知道她喜歡吃法國菜找到這家剛上了Asia's 50 Best 的餐廳，見到佢 Chef Menu 都唔貴就打算試一試。 可能因為訂位時我已經講低左係興祝生日，一座低侍應就介紹我地飲香檳，我地叫左一人一杯做開胃酒。 Order 左 chef menu 之後，好快就開始上菜啦。(呢度提一提，Belon 既廚師每一日都會轉菜單，所以以下介紹的可能是只此一晚的。) 首先有好幾種 amuse bouche 前菜小碟，全部都好特別，由其係個oyster tartare，好鮮味。之後有幾個starter (仲未到主菜的)，以tuna nicoise 做靈感的油甘魚nicoise沙律，又有terrine 豬頭肉。 食到呢度都ok 飽的，但原來仲未完！主菜有時令的巨形帶子餛飩，帶子超甜，醬汁超好味。 最後就係佢地招牌既烤全雞，好壯觀呀！侍應會先比你睇睇隻雞，再切件上檯。雞係本地靚雞，雞皮下加左牛油和香草，令雞肉烤出來更香嫩，多汁，好好味。跟烤雞上的薯蓉，上面鋪了青豆和煙肉，配雞肉一流。 以法國菜來說，Belon 都好值得食，服務也非常好，我地走既時候侍應仲跑出去幫我地叫埋的士。以
可能因為訂位時我已經講低左係興祝生日，一座低侍應就介紹我地飲香檳，我地叫左一人一杯做開胃酒。
Order 左 chef menu 之後，好快就開始上菜啦。(呢度提一提，Belon 既廚師每一日都會轉菜單，所以以下介紹的可能是只此一晚的。) 首先有好幾種 amuse bouche 前菜小碟，全部都好特別，由其係個oyster tartare，好鮮味。
之後有幾個starter (仲未到主菜的)，以tuna nicoise 做靈感的油甘魚nicoise沙律，又有terrine 豬頭肉。
食到呢度都ok 飽的，但原來仲未完！主菜有時令的巨形帶子餛飩，帶子超甜，醬汁超好味。
最後就係佢地招牌既烤全雞，好壯觀呀！侍應會先比你睇睇隻雞，再切件上檯。雞係本地靚雞，雞皮下加左牛油和香草，令雞肉烤出來更香嫩，多汁，好好味。跟烤雞上的薯蓉，上面鋪了青豆和煙肉，配雞肉一流。
以法國菜來說，Belon 都好值得食，服務也非常好，我地走既時候侍應仲跑出去幫我地叫埋的士。以後會再來試新menu！
Post
