四點金飯店 (Closed)

平時經過新都城都會見到四點金門口人頭湧湧，今晚終於試咗佢哋嘅晚市。見到有個抗疫套餐好抵食，$268三餸一湯仲有甜品。我地揀左個杏汁燉白肺湯（加$20），杏仁味濃郁帶甜滋潤非常。另外餸菜方面，揀左個乾撈海王粉絲煲，粉絲炒得乾身有咬口，冇炒到斷晒值得一讚，粉絲略帶蝦干鹹香味。貴妃雞肉嫩滑Juice，唔似出面啲餐廳帶有冰鮮味。鳳梨梅羔骨，味道似咕嚕肉甜甜酸酸，送飯開胃。最後仲有佢哋嘅招牌蛋散，黃糖加上煉奶，又香又甜非常滿足。