樂天經典 (Closed)

今次慶祝朋友生日，一行十人一齊嚟食飯。餐廳地點十分便利，極容易搵。侍應服務不錯，環境闊落，坐得舒服，不失為聚會嘅好地點。個人比較推介黃金蝦，鐵板豆腐，炸子雞同炒飯。黃金蝦超香蛋黃味，可惜份量比較少人多可能要叫兩碟先夠食。鐵板豆腐，超級熱辣配埋冬菇肉燥真係好好味，同埋白飯一流。炸子雞外脆肉滑，好大隻，仲配埋大大塊既明輝蝦片。炒飯嘅蝦好爽口，配埋粒粒分明嘅蟹子，食落好有口感。