井巷子 by 鋒膳 (Closed)

雖然話就話呢一間係川菜食肆，不過我自己覺得佢其實係一間中菜餐館先至真，事關佢Lunch的叉燒同埋晚餐的片皮鴨都真係做得出神入化，大廚的造詣真心高。佢個片皮鴨係用煙燻的做法，鴨的皮很薄，而配料竟加入蜜瓜等水果，入口時有煙燻味加上水果的鮮味，味道很夾，亦同時令件片皮鴨無晒油膩的感覺。個人建議如果你想煙燻味濃D，食嘅時候就唔好點那甜醬，因為甜醬的味比較濃，所以會蓋過晒D煙燻味同埋D生果的鮮味。除此之外，我都好欣賞佢個炒飯，一來唔油，二來那些一粒粒的粟米真係新鮮得厲害，而佢嘅鮮味亦將成碗炒飯嘅味道同埋屠次提升，用料真係靚，食得出大廚的手勢。