點一龍 (海港城) (Closed)

呢間店好少要等位，所以想食點心又唔想去茶樓就會諗起呢度。呢度既點心比普通茶樓精緻，所以價錢都會高少少。今日叫左幾款賣相吸引既點心。 水母蝦餃: 外型係橙色小水母，係加左南瓜汁落個皮度，不落食落完全冇味。蝦肉就好爽口。 雪影叉燒包: 食個時諗起菠蘿叉燒包，不過呢個皮係脆啲同少小咸味，我喜歡菠蘿叉燒包多啲。 蛋包糯米飯:呢個普通，只係個名特別啲。糯米飯比較濕，所以冇左咬口。 小龍包:比頂太豐好食。汁香皮薄。包皮的顏色完全食唔到有特別味。 春風得意腸: 其實忘記左個名，但同出面做法一樣，又香脆蝦大又爽！總體黎講坐得舒服，食得開心。