1
峇里式豬肋骨飯($59)， 峇里醬甜甜的，入口帶香茅香味。豬肋骨肉軟，一客3條肋骨相連，非常入味，配飯一流。
吃不停口·巴東牛肉A.O.P牛角包($52)，牛角包好脆身，食到chopchop聲。
牛肉有碎有塊件，醬汁好微辣，開胃，仲有青瓜點綴，冇咁heavy既感覺。同出名麵包店既牛角包有得比較，酥脆度不相伯仲(?)。
1
不是「南乳豬手」是「巴東豬手」($52)，搞鬼既改名，有新意。豬手3大件，每件都沾滿醬汁。醬汁好濃稠，惹味，調味會濃郁。食哂d豬手，會剩好多醬汁，配飯食一流。
雙色咖央多士($39)， 估唔到內餡既口感好似乳酪，仲有咖央醬，麵包烘過帶脆，細細份淺嚐。
峇里堂珍多公雞冰冰($58)，色彩繽紛，碎冰用公雞碗裝，連匙羹都係公雞圖案。雪糕口味揀左椰子，仲有d焦糖糖漿，溶化後混合碎冰一齊食，唔錯。
配料有紅豆、大樹菠蘿肉(?)、珍多，每款份量都多，啖啖都食到，唔會變到最後得番冰。
整體，侍應有禮，好樂意幫忙影相。食物送菜速度亦快，味道仲要唔錯，偶爾食下唔多國家既菜，生活都開心d。而且餐牌仲有好多選擇，可以encore。
